मोरिगाउँ — सन् २०२६ मा आयोजना हुन गइरहेको HSLC (मेट्रिक) तथा HS (हायर सेकेण्डरी) परीक्षामा सहभागी हुन लागेका विद्यार्थीहरूलाई लक्षित गर्दै अमिलिघाट आञ्चलिक समिति र हातीगढ आञ्चलिक समितिको तर्फबाट हार्दिक शुभकामना तथा सफलताको कामना व्यक्त गरिएको छ।
समितिहरूले परीक्षार्थी विद्यार्थीहरूलाई आत्मविश्वासका साथ तयारी गर्न, समयको सही व्यवस्थापन गर्न र अनुशासनमा बसेर परीक्षा दिन आग्रह गरेका छन्। उनीहरूले विद्यार्थीहरूको मेहनत, लगनशीलता र निरन्तर अभ्यास नै सफलताको मुख्य आधार भएको उल्लेख गर्दै सकारात्मक सोचका साथ अगाडि बढ्न प्रेरणा दिएका छन्।
कार्यक्रमका क्रममा समितिका पदाधिकारीहरूले विद्यार्थीहरूलाई परीक्षा जीवनको महत्वपूर्ण चरण भएको बताउँदै, डर र तनावलाई नियन्त्रण गरेर शान्त मनले परीक्षा दिन अनुरोध गरेका थिए। साथै, अभिभावक र शिक्षकहरूको मार्गदर्शनलाई सम्मान गर्दै लक्ष्यमा केन्द्रित रहनु आवश्यक रहेको सन्देश पनि दिइयो।
अमिलिघाट आञ्चलिक समिति तथा हातीगढ आञ्चलिक समितिले आगामी दिनमा पनि विद्यार्थी हितमा केन्द्रित यस्ता कार्यक्रमहरू निरन्तर रूपमा सञ्चालन गर्दै जाने प्रतिबद्धता व्यक्त गरेका छन्। अन्त्यमा, दुवै समितिले HSLC र HS परीक्षामा सहभागी सम्पूर्ण विद्यार्थीहरूलाई उत्कृष्ट नतिजाका लागि शुभकामना दिँदै उज्ज्वल भविष्यको कामना गरेका छन्।
प्रतिवेदक: आदित्य शर्मा- सुचना एवं प्रविधि सचिव, मोरगाउँ आञ्चलिक समिति।
