पटाबारी एफ.भी., १ मई २०२६ — अखिल असम गोर्खा छात्र संघ (आग्सु) चिराङ जिल्ला समितिका पूर्व सभापति श्रीमान् दिलिप छेत्री कडेलज्यूकी ममतामयी माताजी स्वर्गीय दिलमाया कडेलज्यूको आद्य श्राद्ध कार्यक्रम चिराङ जिल्लाको पटाबारी एफ.भी.मा शान्त र भावुक वातावरणका बीच सम्पन्न भएको छ। उक्त कार्यक्रममा आग्सुका विभिन्न तहका प्रतिनिधि तथा कार्यकर्ताहरूको उपस्थितिमा स्वर्गीय आत्माप्रति श्रद्धाञ्जली अर्पण गर्दै शोकाकुल परिवारप्रति गहिरो समवेदना व्यक्त गरिएको थियो।
आद्य श्राद्धको अवसरमा अखिल असम गोर्खा छात्र संघ (आग्सु) बि.टि.सि. क्षेत्रीय समिति, चिराङ जिल्ला समिति तथा हिमाली र सुनगाभा आञ्चलिक समितिहरूको संयुक्त उपस्थितिमा औपचारिक शोक प्रस्ताव प्रस्तुत गरिएको थियो। कार्यक्रममा सहभागी प्रतिनिधिहरूले स्वर्गीय दिलमाया कडेलज्यूको स्मृतिमा मौन श्रद्धाञ्जली अर्पण गर्नुका साथै उहाँले आफ्नो जीवनकालमा परिवार, समाज र सन्तानहरूको उज्ज्वल भविष्यका निम्ति पुर्याउनुभएको योगदानको उच्च कदर गरेका थिए।
कार्यक्रममा बि.टि.सि. क्षेत्रीय समितिको तर्फबाट उप–सभापति प्रकाश दाहाल, सचिव नारायण उपाध्यय तथा सांगठनिक सचिव अमल काकिँ ज्यूको उपस्थिति रहेको थियो। यसका साथै चिराङ जिल्ला समिति तथा हिमाली आञ्चलिक समितिका प्रतिनिधिहरूले संयुक्त रूपमा शोक प्रस्ताव वाचन गर्दै स्वर्गीय दिलमाया कडेलज्यूको आत्माको चिरशान्तिको कामना गरेका थिए।
शोक प्रस्तावमार्फत स्वर्गीय दिलमाया कडेलज्यूले आफ्नो जीवनकालभरि परिवारको उन्नति र सन्तानहरूको भविष्य निर्माणमा देखाउनुभएको समर्पण र ममतामयी भूमिकाको स्मरण गरिएको थियो। उहाँले परिवार र समाजप्रति पुर्याउनुभएको योगदान सधैं स्मरणीय रहने उल्लेख गर्दै उपस्थित सबैले उहाँप्रति भावपूर्ण श्रद्धाञ्जली अर्पण गरेका थिए।
यस अवसरमा वक्ताहरूले यस्तो दुःखद घडीमा शोकाकुल परिवारलाई धैर्य धारण गर्ने शक्ति मिलोस् भनी कामना व्यक्त गर्दै परिवारजनप्रति गहिरो समवेदना प्रकट गरेका थिए। कार्यक्रममा सहभागी आग्सुका विभिन्न समितिका प्रतिनिधिहरूले संगठनको तर्फबाट परिवारप्रति ऐक्यबद्धता र सहानुभूति व्यक्त गरेका थिए।
शान्त र भावुक वातावरणबीच सम्पन्न भएको उक्त कार्यक्रममा उपस्थित सबैले स्वर्गीय दिलमाया कडेलज्यूको आत्माको चिरशान्तिको कामना गर्दै परिवारजनलाई धैर्य र साहस प्राप्त होस् भन्ने कामना व्यक्त गरेका थिए। कार्यक्रममा स्थानीय समाजका व्यक्तित्व तथा शुभेच्छुकहरूको समेत उपस्थिति रहेको थियो, जसले दिवंगत आत्माप्रति श्रद्धाञ्जली अर्पण गर्दै परिवारलाई सान्त्वना दिएका थिए।
प्रतिवेदक: नविन शर्मा भार प्राप्त मूल सचिव, चिरङ जिला समिति।
