बाक्सा, जुन २०२६ः अखिल असम गोर्खा छात्र संघ (आग्सु) बाक्सा आञ्चलिक समितिको प्रथम कार्यकारिणी सभा बक्सा आञ्चलिक अन्तर्गत रहेको आग्सु कार्यालय भवन, निकासीमा भव्य तथा सफलतापूर्वक सम्पन्न भएको छ। नवनिर्वाचित कार्यसमितिको गठनपश्चात आयोजित पहिलो कार्यकारिणी सभाले संगठनको भावी दिशा निर्धारणका साथै विभिन्न महत्वपूर्ण विषयमा विस्तृत छलफल गर्दै महत्वपूर्ण निर्णयहरू पारित गरेको छ।
सभामा आञ्चलिक समितिका पदाधिकारी तथा कार्यकारिणी सदस्यहरूको उल्लेखनीय उपस्थिति रहेको थियो। कार्यक्रमको सुरुवात संगठनप्रति प्रतिबद्धता व्यक्त गर्दै सांगठनिक गतिविधिको समीक्षा र भावी योजनामाथिको छलफलबाट गरिएको थियो। सभामा संगठनको वर्तमान अवस्था, विद्यार्थी समुदायका समस्या, शैक्षिक विकास, सामाजिक उत्तरदायित्व तथा संगठन विस्तार सम्बन्धी विषयहरूमा गहन छलफल भएको थियो।
कार्यकारिणी सदस्यहरूले विद्यार्थीहरूको सर्वाङ्गीण विकासका लागि शैक्षिक, सामाजिक तथा जनचेतनामूलक कार्यक्रमहरूलाई प्राथमिकताका साथ अगाडि बढाउनुपर्नेमा जोड दिएका थिए। साथै ग्रामीण तथा दुर्गम क्षेत्रका विद्यार्थीहरूलाई संगठनसँग जोड्ने, शैक्षिक मार्गदर्शन कार्यक्रम सञ्चालन गर्ने तथा विभिन्न सामाजिक गतिविधिहरूमार्फत संगठनको उपस्थितिलाई अझ प्रभावकारी बनाउने विषयमा पनि विचार-विमर्श गरिएको थियो।
सभामा आगामी दिनहरूमा संगठनलाई थप सक्रिय, सुदृढ तथा जनमुखी बनाउने उद्देश्यका साथ विभिन्न कार्ययोजनाहरू तयार पारिएको बताइएको छ। विद्यार्थी हित, समाज सेवा, भाषा–संस्कृति संरक्षण तथा समुदायका समसामयिक विषयहरूमा आग्सुको भूमिका अझ सशक्त बनाउने सम्बन्धमा समेत निर्णयहरू पारित गरिएको थियो।
उपस्थित पदाधिकारी तथा सदस्यहरूले संगठनको गौरवशाली इतिहासलाई आत्मसात गर्दै एकताबद्ध भएर संगठनलाई नयाँ उचाइमा पुर्याउने प्रतिबद्धता व्यक्त गरेका थिए। उनीहरूले संगठनलाई अझ प्रभावकारी बनाउन प्रत्येक सदस्यले आफ्नो जिम्मेवारी इमान्दारीपूर्वक निर्वाह गर्नुपर्ने आवश्यकता औंल्याएका थिए।
सभाको अन्त्यमा संगठनका आगामी कार्यक्रमहरू सफलतापूर्वक सञ्चालन गर्न सबै पदाधिकारी तथा सदस्यहरूलाई सक्रिय रूपमा लाग्न आह्वान गरिएको थियो। बाक्सा आञ्चलिक समितिको प्रथम कार्यकारिणी सभाले संगठनात्मक एकता, दायित्वबोध तथा भावी योजनाप्रति स्पष्ट मार्गनिर्देशन प्रदान गरेको सहभागीहरूले बताएका छन्।
प्रतिवेदक: राजु कार्की- मूल-सचिव, बास्का आञ्चलिक समिति।
