বিহালী, বিশ্বনাথ, ২২ অক্টোবৰ, ২০২৬: সদৌ অসম গোৰ্খা ছাত্ৰ সন্থা (আগ্ছু), বিহালী আঞ্চলিক সমিতিৰ এটি সঁজাতি দলে বিহালী বিধানসভা সমষ্টিৰ বিধায়ক শ্ৰীযুত মুনিন্দ্ৰ দাস ডাঙৰীয়াৰ পিতৃ মোহন চন্দ্ৰ দাসৰ পৰলোকপ্ৰাপ্তিত গভীৰ শোক প্ৰকাশ কৰি তেখেতৰ বাসগৃহত উপস্থিত হয় আৰু শোকসন্তপ্ত পৰিয়ালবৰ্গক আন্তৰিক সমবেদনা জ্ঞাপন কৰে। এই উপলক্ষে আগ্ছুৰ বিহালী আঞ্চলিক সমিতিৰ তৰফৰ পৰা শোকসন্তপ্ত পৰিয়ালবৰ্গলৈ এখন আনুষ্ঠানিক সমবেদনা পত্ৰ প্ৰদান কৰা হয়।
উল্লেখ্য যে মোহন চন্দ্ৰ দাসৰ বিয়োগৰ খবৰে পৰিয়ালবৰ্গৰ লগতে শুভাকাংক্ষীসকলৰ মাজত গভীৰ শোকৰ ছাঁ পেলাইছে। এনে এক শোকাৱহ পৰিস্থিতিত আগ্ছুৰ বিহালী আঞ্চলিক সমিতিৰ প্ৰতিনিধি দলটোৱে পৰিয়ালটোৰ কাষত থিয় দি শোকৰ এই কঠিন মুহূৰ্তত তেওঁলোকৰ প্ৰতি সহমৰ্মিতা প্ৰকাশ কৰে। প্ৰতিনিধি দলটোৱে প্ৰয়াত মোহন চন্দ্ৰ দাসৰ বিদেহী আত্মাৰ চিৰশান্তি কামনা কৰাৰ লগতে পৰিয়ালবৰ্গক এই অপূৰণীয় ক্ষতি সহ্য কৰিবলৈ মানসিক শক্তি প্ৰদানৰ বাবে ভগৱানৰ ওচৰত প্ৰাৰ্থনা জনায়।
আগ্ছুৰ বিহালী আঞ্চলিক সমিতিৰ নেতৃত্বই প্ৰকাশ কৰা শোকবাৰ্তাত উল্লেখ কৰে যে এগৰাকী ব্যক্তিৰ পৰলোকপ্ৰাপ্তি কেৱল তেওঁৰ পৰিয়ালৰ বাবেই নহয়, বৰঞ্চ তেওঁৰ সৈতে সম্পৰ্কিত আত্মীয়-স্বজন, শুভাকাংক্ষী আৰু সমাজৰ বাবেও এক গভীৰ বেদনাদায়ক ঘটনা। প্ৰয়াত মোহন চন্দ্ৰ দাসৰ বিয়োগত সৃষ্টি হোৱা শূন্যতা সহজে পূৰণ কৰিব পৰা নাযায় বুলি উল্লেখ কৰি শোকসন্তপ্ত পৰিয়ালবৰ্গৰ প্ৰতি গভীৰ সমবেদনা জ্ঞাপন কৰে।
সন্থাৰ প্ৰতিনিধি দলটোৱে লগতে কয় যে জীৱনৰ এনে কঠিন সময়ত পৰিয়ালবৰ্গৰ কাষত থিয় দিয়া, তেওঁলোকৰ দুখ-বেদনাৰ সমভাগী হোৱা আৰু মানৱীয় সহমৰ্মিতা প্ৰকাশ কৰাটো সামাজিক দায়বদ্ধতাৰ এক গুৰুত্বপূৰ্ণ অংশ। আগ্ছু সদায় সমাজৰ বিভিন্ন ক্ষেত্ৰৰ লোকৰ সুখ-দুখৰ সৈতে সংযুক্ত হৈ থাকিবলৈ প্ৰতিশ্ৰুতিবদ্ধ বুলিও প্ৰতিনিধি দলটোৱে মত প্ৰকাশ কৰে।
এই শোক-সমবেদনা জ্ঞাপন কাৰ্যসূচীত আগ্ছুৰ বিহালী আঞ্চলিক সমিতিৰ সভাপতি হেমন্ত ঘিমিৰে, সাধাৰণ সম্পাদক কৰণ হোমাগাঞী, নৱনিযুক্ত সাংগঠনিক সম্পাদক মনোজ ভৰালী আৰু জিলা সদস্য পংকজ ভৰালী উপস্থিত থাকে।
শেষত সদৌ অসম গোৰ্খা ছাত্ৰ সন্থা (আগ্ছু), বিহালী আঞ্চলিক সমিতিৰ তৰফৰ পৰা প্ৰয়াত মোহন চন্দ্ৰ দাসৰ বিদেহী আত্মাৰ চিৰশান্তি কামনা কৰাৰ লগতে শোকসন্তপ্ত পৰিয়ালবৰ্গলৈ পুনৰবাৰ গভীৰ সমবেদনা জ্ঞাপন কৰা হয়।
প্ৰেৰক : কৰণ হোমাগাঞী-সাধাৰণ সম্পাদক,বিহালী আঞ্চলিক সমিতি ।
