গুৱাহাটী, ১৭মাৰ্চ ২০২৬: অসম চৰকাৰৰ যুটীয়া সচিব শ্ৰী ৰাজীৱ থাপা দেৱে অসম ইণ্ডাষ্ট্ৰিয়েল ইনফ্ৰাষ্ট্ৰাকচাৰ ডেভেলপমেণ্ট কৰ্প’ৰেচন (AIIDC)ৰ পৰিচালন সঞ্চালক (Managing Director) হিচাপে দায়িত্ব গ্ৰহণ কৰাৰ পিছত, সদৌ অসম গোৰ্খা ছাত্ৰ সন্থা (আগ্ছু) ৰ পক্ষৰ পৰা তেখেতক আন্তৰিক অভিনন্দন আৰু শুভেচ্ছা জ্ঞাপন কৰা হয়।

এই উপলক্ষে আগ্ছুৰ এটি প্ৰতিনিধি দলে তেখেতৰ কাৰ্যালয়ত উপস্থিত হৈ সশ্ৰদ্ধ শুভেচ্ছা জ্ঞাপন কৰে। প্ৰতিনিধি দলটোৰ নেতৃত্ব দিয়ে সংগঠনৰ ভাৰপ্ৰাপ্ত সভাপতি শ্ৰী সঞ্জীৱ চৌহানে আৰু তেওঁক সংগ দিয়ে সাধাৰণ সম্পাদক শ্ৰী নোমল ছেত্ৰীয়ে।

প্ৰতিনিধি দলটোৱে শ্ৰী ৰাজীৱ থাপাৰ নতুন দায়িত্ব গ্ৰহণক গোৰ্খা সমাজৰ বাবে এক গৌৰৱৰ বিষয় বুলি উল্লেখ কৰে। তেওঁলোকৰ বক্তব্যত উল্লেখ কৰা হয় যে, এই ধৰণৰ উচ্চ পদত গোৰ্খা সম্প্ৰদায়ৰ প্ৰতিনিধিত্বে সমগ্ৰ সমাজক উৎসাহিত কৰাৰ লগতে আগন্তুক প্ৰজন্মক আগবাঢ়ি যোৱাৰ প্ৰেৰণা প্ৰদান কৰে। তদুপৰি, তেখেতৰ নেতৃত্বত AIIDCৰ জৰিয়তে ৰাজ্যত উদ্যোগ, আন্তঃগাঁথনি আৰু উন্নয়নমূলক কাৰ্যসূচীসমূহে অধিক গতি লাভ কৰিব বুলি দৃঢ় আশা ব্যক্ত কৰে ছাত্ৰ সন্থাৰ নেতৃত্বয়ে।

ইয়াৰ লগতে, সংগঠনৰ নেতৃবৃন্দই ৰাজ্যৰ সমগ্ৰ উন্নয়নৰ ক্ষেত্ৰত AIIDCৰ ভূমিকা অত্যন্ত গুৰুত্বপূৰ্ণ বুলি উল্লেখ কৰি, শ্ৰী ৰাজীৱ থাপাই নিজৰ দায়িত্ব সততা, নিষ্ঠা আৰু দক্ষতাৰ সৈতে পালন কৰি অসমক উন্নয়নৰ নতুন দিশলৈ আগুৱাই নিব বুলি বিশ্বাস প্ৰকাশ কৰে।

প্ৰতিক্ৰিয়াস্বৰূপে, শ্ৰী ৰাজীৱ থাপাই আগ্ছুৰ পক্ষৰ পৰা আগবঢ়োৱা এই আন্তৰিক শুভেচ্ছা আৰু সমৰ্থনৰ বাবে কৃতজ্ঞতা জ্ঞাপন কৰে। তেওঁ নিজৰ বক্তব্যত আগন্তুক দিনসমূহত ৰাজ্যৰ সামগ্ৰিক উন্নয়ন, উদ্যোগৰ বিস্তাৰ আৰু পৰিকাঠামো উন্নয়নৰ ক্ষেত্ৰত নিষ্ঠাৰে কাম কৰি যোৱাৰ প্ৰতিশ্ৰুতি দিয়ে। লগতে, সমাজৰ সকলো অংশৰ সহযোগিতা আৰু সমন্বয়ৰ জৰিয়তে উন্নয়নৰ লক্ষ্য সফল কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে।

সামগ্ৰিকভাৱে, এই সৌজন্যমূলক সাক্ষাৎ আৰু অভিনন্দন জ্ঞাপন কাৰ্যসূচীয়ে সংগঠন আৰু প্ৰশাসনৰ মাজত সু-সম্পৰ্ক আৰু সহযোগিতাৰ এক ইতিবাচক বাৰ্তা প্ৰেৰণ কৰে। ইয়াৰ ফলত আগন্তুক দিনসমূহত সমাজ আৰু ৰাজ্যৰ উন্নয়নৰ ক্ষেত্ৰত একত্ৰিত প্ৰয়াস অধিক শক্তিশালী হ’ব বুলি আশা কৰা হৈছে।

প্ৰতিবেদক: সঞ্জয় ছেত্ৰী- সাধাৰণ সম্পাদক, টংলা আঞ্চলিক সমিতি (আগ্ছু)