कोक्राझार, 26 जुलाई : अखिल असम गोर्खा छात्र संघ (आग्सु) कोक्राझार जिल्ला समितिको आयोजनामा र सम्पूर्ण आञ्चलिक समितिको सहयोगमा नव निर्वाचित केन्द्रीय समिति आग्सुका साङ्गठनिक सचिव अमृत खड्का तथा कार्यकारिणी सदस्य किरण पौडेल ज्यूको सम्मानमा आयोजित विशेष अभिनन्दन कार्यक्रम कोक्राझार जिल्ला अन्तर्गतको खलासी वनगाउँ स्थित प्राथमिक विद्यालयमा भव्य तथा गरिमामय वातावरणमा सफलतापूर्वक सम्पन्न भएको छ।

कार्यक्रम जिल्ला समितिका सभापति आईता घिसिङको सभापतित्वमा सम्पन्न भएको थियो भने मूल सचिव सेबाष्टीन रत्नेले कार्यक्रमको कुशल मञ्च सञ्चालन गर्नुभएको थियो। कार्यक्रममा आग्सुका विभिन्न आञ्चलिक तथा जिल्ला समितिका पदाधिकारीहरू, केन्द्रीय समितिका प्रतिनिधिहरू, समाजसेवी, बुद्धिजीवी, विद्यार्थी, अभिभावक तथा गोर्खा समुदायका अग्रज एवं युवाहरूको उल्लेखनीय सहभागिता रहेको थियो।

कार्यक्रमको शुभारम्भ मौन धारण तथा संगठनको उद्देश्य र आदर्शप्रति प्रतिबद्धता व्यक्त गर्दै गरिएको थियो। त्यसपछि अतिथिहरूलाई स्वागत तथा सम्मान गरिएको थियो। कार्यक्रममा बोल्ने वक्ताहरूले नव निर्वाचित साङ्गठनिक सचिव अमृत खड्का र कार्यकारिणी सदस्य किरण पौडेललाई हार्दिक बधाई तथा सफल कार्यकालको शुभकामना व्यक्त गर्दै उहाँहरूबाट विद्यार्थी आन्दोलन, सामाजिक एकता, शैक्षिक विकास तथा गोर्खा समुदायको हक, अधिकार र पहिचानको संरक्षणमा महत्त्वपूर्ण भूमिका निर्वाह हुने विश्वास व्यक्त गर्नुभयो।

वक्ताहरूले आग्सुले विगतदेखि नै विद्यार्थी तथा समाजका विविध क्षेत्रमा पुर्‍याउँदै आएको योगदानको चर्चा गर्दै नयाँ नेतृत्वले संगठनलाई अझ सशक्त, गतिशील, अनुशासित र प्रभावकारी बनाउने अपेक्षा व्यक्त गरे। साथै जिल्ला समितिले केन्द्रीय नेतृत्वसँग समन्वय गर्दै संगठन विस्तार, शैक्षिक अभियान, सामाजिक उत्तरदायित्व तथा युवाहरूको नेतृत्व विकासका कार्यक्रमलाई अझ प्रभावकारी रूपमा अघि बढाउने प्रतिबद्धता समेत व्यक्त गरियो।

अभिनन्दन ग्रहण गर्दै अमृत खड्काले सम्पूर्ण आग्सु परिवार, जिल्ला समिति तथा उपस्थित सम्पूर्ण महानुभावप्रति हार्दिक आभार व्यक्त गर्नुभयो। उहाँले प्राप्त जिम्मेवारीलाई इमान्दारी, निष्ठा र समर्पणका साथ निर्वाह गर्दै विद्यार्थी तथा गोर्खा समाजको हितका लागि निरन्तर सक्रिय रहने प्रतिबद्धता जनाउनुभयो। त्यसैगरी किरण पौडेलले पनि संगठनले आफूलाई दिएको जिम्मेवारीलाई अवसरका रूपमा ग्रहण गर्दै संगठनको उद्देश्य र सिद्धान्तअनुसार सबैलाई साथमा लिएर अघि बढ्ने विश्वास व्यक्त गर्नुभयो।

कार्यक्रममा विभिन्न आञ्चलिक समितिका प्रतिनिधिहरूले शुभकामना मन्तव्य व्यक्त गर्नुका साथै खादा, टोपीले नव निर्वाचित दुवै नेतृत्वलाई सम्मान गरेका थिए। सहभागीहरूले यस्ता कार्यक्रमले संगठनभित्र आपसी एकता, भाइचारा, आत्मीयता र कार्यकर्ताहरूमा नयाँ ऊर्जा थप्ने विश्वास व्यक्त गरेका थिए।

कार्यक्रमको अन्त्यमा सभापति आईता घिसिङले सम्पूर्ण अतिथि, पदाधिकारी, कार्यकर्ता तथा सहयोगीहरूलाई धन्यवाद ज्ञापन गर्दै संगठनको आगामी यात्रामा सबैको निरन्तर साथ, सहयोग र एकताको आवश्यकता रहेको उल्लेख गर्नुभयो। उहाँले आग्सुको गौरवशाली इतिहासलाई आत्मसात् गर्दै संगठनलाई अझ सशक्त र प्रभावकारी बनाउने दिशामा सबैले साझा प्रतिबद्धताका साथ अघि बढ्नुपर्ने धारणा राख्नुभयो।

यस विशेष अभिनन्दन कार्यक्रमले नव निर्वाचित नेतृत्वप्रति सम्मान प्रकट गर्नुका साथै संगठनभित्रको एकता, आपसी सद्भाव र भविष्यप्रतिको साझा प्रतिबद्धतालाई अझ सुदृढ बनाएको सहभागीहरूको भनाइ रहेको छ।
उक्त कार्यक्रममा अखिल असम गोर्खा छात्र संघ बी टी सी क्षेत्रिय समिति आग्सुका शिक्षा सचिव शंकर राई ,कोक्राझार जिल्ला समिति आग्सुका मुख्य सल्लाहकार मुकुन्द भट्टराई,खलासी गाउँका हेडमेन लक्ष्मण पोख्रेल,खलासी गाउँ समाजका समाज सेवी यादव पोख्रेल, कोक्राझार जिल्ला अन्तर्गतको जम्मै आञ्चलिक समितिका कार्यकर्ता ,विभिन्न शाखा समितिका कार्यकर्ता,गाउँ समाजका बुद्धिजीवी वर्ग,जिल्ला समितिका सम्पूर्ण कार्यकर्ताको उपस्थितिले कार्यक्रम सफल रुपमा सम्पन्न भएको थियो।

प्रतिवेदक:- भुवन पौडेल,सचिव ,कोक्राझार जिल्ला समिति आग्सु( IT incharge) ।