अखिल असम गोर्खा छात्र संघ (आग्सु) मालिभिटा शाखा समितिको तत्वावधानमा तथा जिल्ला समिति र हिमाली आञ्चलिक समितिको सहयोगमा मालिभिटा क्षेत्रका HSLC परीक्षा दिने सम्पूर्ण गोर्खा छात्र–छात्राहरूलाई समेट्दै Mock Test Examination कार्यक्रम हाल निरन्तर रूपमा सञ्चालन भइरहेको छ। कक्षा १० मा अध्ययनरत विद्यार्थीहरूलाई आगामी बोर्ड परीक्षाको पूर्ण तयारी गराउने उद्देश्यले सुरु गरिएको यस कार्यक्रमले विद्यार्थी, अभिभावक तथा शैक्षिक क्षेत्रमा सकारात्मक सन्देश प्रवाह गरेको छ।
आग्सु मालिभिटा शाखाले शिक्षा क्षेत्रलाई प्राथमिकतामा राख्दै समुदायस्तरमै यस्तो अभ्यास परीक्षा सञ्चालन गर्नु उल्लेखनीय पहलका रूपमा हेरिएको छ। Mock Test Examination लाई बोर्ड परीक्षाको ढाँचामा कडाइका साथ सञ्चालन गरिँदै आएको छ। परीक्षा अवधिमा पूर्ण अनुशासन, निष्पक्षता र पारदर्शितालाई विशेष महत्व दिइएको छ। विद्यार्थीहरूलाई तोकिएको समयसीमाभित्र प्रश्नपत्र समाधान गर्ने, उत्तर लेखनको सही तरिका अपनाउने तथा परीक्षा सम्बन्धी सम्पूर्ण नियमहरू कडाइका साथ पालना गराइँदै आएको छ।
यस कार्यक्रममार्फत विद्यार्थीहरूको पाठ्यक्रमगत तयारीको मूल्याङ्कन मात्र नभई उनीहरूलाई वास्तविक परीक्षा वातावरणप्रति अभ्यस्त बनाउने लक्ष्य लिइएको छ। Mock Test को माध्यमबाट विद्यार्थीहरूले बोर्ड परीक्षामा देखिन सक्ने दबाब र चुनौतीको पूर्वअभ्यास गर्ने अवसर पाएका छन्। यसले विद्यार्थीहरूको आत्मविश्वास बढाउनुका साथै परीक्षा प्रति रहेको भय कम गर्न सहयोग पुर्याएको देखिन्छ। अभ्यास परीक्षापछि विद्यार्थीहरूले आफ्ना कमजोरी पहिचान गरी सुधार गर्ने अवसर पाएका छन्, जसले समग्र तयारीलाई अझ सुदृढ बनाएको छ।
कार्यक्रममा सहभागी विद्यार्थीहरूको उत्साहजनक उपस्थिति र सक्रिय सहभागिताले Mock Test Examination को औचित्यलाई थप पुष्टि गरेको छ। मालिभिटा क्षेत्रका HSLC परीक्षा दिने अधिकांश गोर्खा छात्र–छात्राहरू यस कार्यक्रममा नियमित रूपमा सहभागी भइरहेका छन्। विद्यार्थीहरूको निरन्तर उपस्थितिले कार्यक्रमप्रति बढ्दो विश्वास र आवश्यकतालाई स्पष्ट रूपमा देखाएको छ। अभिभावकहरूले पनि आग्सुले शिक्षा क्षेत्रमा खेलेको भूमिकाको खुलेर प्रशंसा गर्दै यस्ता कार्यक्रमले आफ्ना बालबालिकाको भविष्य निर्माणमा महत्वपूर्ण योगदान पुर्याउने विश्वास व्यक्त गरेका छन्।
आग्सु मालिभिटा शाखाको यो पहल गोर्खा समुदायभित्र शैक्षिक चेतना अभिवृद्धि गर्ने दिशामा महत्वपूर्ण कदमका रूपमा लिइएको छ। सीमित साधन र स्रोतका बाबजुद पनि विद्यार्थीहरूको शैक्षिक हितलाई केन्द्रमा राख्दै सञ्चालन गरिएको Mock Test Examination कार्यक्रमले समाजमा सकारात्मक उदाहरण प्रस्तुत गरेको छ। आग्सुका पदाधिकारीहरूले आगामी दिनमा समेत यस्ता शैक्षिक तथा मार्गदर्शनमूलक कार्यक्रमलाई निरन्तरता दिने प्रतिबद्धता व्यक्त गरेका छन्। यस कार्यक्रमले मालिभिटा क्षेत्रका विद्यार्थीहरूलाई HSLC बोर्ड परीक्षामा सफल बनाउन उल्लेखनीय योगदान पुर्याउने अपेक्षा गरिएको छ।
प्रतिवेदन: अशोक छेत्री= मूल-सचिव, मालिभिटा शाखा समिति (आग्सु)।
