बाक्सा, १५ अगस्त २०२६: ८०औँ स्वतन्त्रता दिवसको अवसरमा अखिल असम गोर्खा छात्र संघ (आग्सु) बाक्सा आञ्चलिक समिति अन्तर्गत उत्तर बाक्सा शाखा समितिको आयोजनामा तथा गाउँउन्नयन समितिहरूको सहयोगमा एकदिने भलिबल तथा फुटबल प्रतियोगिता आयोजना गरिएको छ।
युवा पुस्तालाई खेलकुदप्रति आकर्षित गर्दै उनीहरूमा अनुशासन, सहकार्य, नेतृत्व क्षमता तथा स्वस्थ प्रतिस्पर्धाको भावना विकास गर्ने उद्देश्यले प्रतियोगिता आयोजना गरिएको आयोजक पक्षले जनाएको छ। स्वतन्त्रता दिवसलाई केवल औपचारिक कार्यक्रमका रूपमा सीमित नराखी युवाहरूको सहभागिता र खेलकुद गतिविधिसँग जोड्ने उद्देश्यले प्रतियोगिता सञ्चालन गरिएको हो।
भलिबल प्रतियोगिता धनश्रीपुर प्राथमिक विद्यालयमा तथा फुटबल प्रतियोगिता दिहिरा एमई स्कुलको खेलमैदानमा आयोजना गरिएको थियो। दुवै प्रतियोगिता १५ अगस्त २०२६ का दिन बिहान ८ बजेदेखि सञ्चालन हुने गरी तय गरिएको थियो।
स्थानीय युवा तथा खेलाडीहरूको सहभागितालाई प्रोत्साहन गर्ने यस प्रकारका कार्यक्रमले ग्रामीण क्षेत्रमा खेलकुदको विकाससँगै सामाजिक एकता र भाइचाराको भावना थप सुदृढ गर्ने अपेक्षा गरिएको छ। अखिल असम गोर्खा छात्र संघ (आग्सु) का स्थानीय समितिहरूले सामाजिक, शैक्षिक तथा खेलकुद गतिविधिमार्फत युवाहरूलाई सकारात्मक दिशातर्फ अघि बढाउन निरन्तर पहल गर्दै आएका छन्।
स्वतन्त्रता दिवसको अवसरमा आयोजित यस प्रतियोगिताले स्थानीय स्तरमा खेलकुदप्रतिको उत्साह अभिवृद्धि गर्नुका साथै युवा प्रतिभालाई आफ्नो क्षमता प्रदर्शन गर्ने अवसर प्रदान गर्ने विश्वास गरिएको छ।
प्रतिवेदक : धर्म भण्डारी, संगठनिक सचिव, बक्सा जिल्ला समिति
