तिनसुकिया, १५ अगस्त २०२६: भारतको ८०औँ स्वतन्त्रता दिवसको अवसरमा अखिल असम गोर्खा छात्र संघ (आग्सु) तिनसुकिया जिल्ला समितिको आयोजनामा तिनसुकियास्थित जिल्ला समितिको कार्यालय परिसरमा विशेष झन्डोत्तोलन कार्यक्रम सम्पन्न भएको छ।
कार्यक्रममा तिनसुकिया जिल्ला समिति तथा विभिन्न आञ्चलिक समितिका पदाधिकारी, कार्यकर्ता तथा सदस्यहरूको उल्लेखनीय उपस्थिति रहेको थियो। राष्ट्रिय पर्वका रूपमा मनाइएको स्वतन्त्रता दिवसको अवसरमा सहभागीहरूले देशको स्वतन्त्रता, राष्ट्रिय एकता तथा अखण्डताको महत्वलाई स्मरण गर्दै राष्ट्रप्रति आफ्नो जिम्मेवारी र कर्तव्यलाई थप सुदृढ बनाउने प्रतिबद्धता व्यक्त गरेका थिए।
कार्यक्रममा जिल्ला समितिका भारप्राप्त सभापति श्री सुमन छेत्रीको करकमलबाट राष्ट्रिय ध्वज फहराइएको थियो। झन्डोत्तोलनपछि उपस्थित सबैले राष्ट्रप्रति सम्मान व्यक्त गर्दै देशको विकास, शान्ति, सद्भाव तथा सामाजिक एकताका लागि आ–आफ्नो क्षेत्रबाट योगदान पुर्याउने संकल्प गरेका थिए।
स्वतन्त्रता दिवसको अवसरमा आयोजित कार्यक्रममा संगठनका पदाधिकारी तथा कार्यकर्ताहरूले विद्यार्थी, युवा तथा समाजका विभिन्न वर्गलाई राष्ट्र निर्माणको अभियानमा सक्रिय रूपमा सहभागी गराउनुपर्ने आवश्यकतामाथि समेत जोड दिएका थिए। राष्ट्रिय एकता, देशप्रेम, सामाजिक सद्भाव र जिम्मेवार नागरिकको भूमिकालाई आत्मसात् गर्दै समाज तथा राष्ट्रको हितमा कार्य गर्ने प्रतिबद्धता व्यक्त गरिएको थियो।
अखिल असम गोर्खा छात्र संघ (आग्सु) तिनसुकिया जिल्ला समितिको कार्यालय परिसरमा आयोजित उक्त झन्डोत्तोलन कार्यक्रम सौहार्दपूर्ण र उत्साहपूर्ण वातावरणमा सम्पन्न भएको थियो। कार्यक्रमले संगठनका पदाधिकारी तथा कार्यकर्ताबीच राष्ट्रिय भावना, एकता र सामाजिक जिम्मेवारीको भावनालाई थप मजबुत बनाएको छ।
प्रतिवेदक : श्रीमान् जतन प्रधान, सांगठनिक सचिव तथा IT In-charge, तिनसुकिया जिल्ला समिति
