माकुम, १ नोभेम्बर २०२६: माकुमस्थित असमिया दुर्गा पूजा भवनमा ब्रह्माकुमारी ईश्वरीय विश्वविद्यालयको आयोजनामा सञ्चालन गरिएको दुई दिवसीय विशेष कार्यक्रम सफलतापूर्वक सम्पन्न भएको छ। आध्यात्मिक चेतना, सकारात्मक सोच तथा नैतिक मूल्यबोध अभिवृद्धि गर्ने उद्देश्यले आयोजित उक्त कार्यक्रममा स्थानीय स्तरमा विभिन्न सामाजिक तथा विद्यार्थी संगठनका प्रतिनिधिहरूको सहभागिता रहेको थियो।
कार्यक्रमको पहिलो दिन अखिल असम छात्र संघ (आसु), माकुम आञ्चलिक समितिका सभापतिले विधिवत् रूपमा कार्यक्रमको शुभ उद्घाटन गर्नुभएको थियो। त्यसैगरी, कार्यक्रमको दोस्रो दिन अखिल असम गोर्खा छात्र संघ (आग्सु), माकुम आञ्चलिक समितिका सभापतिले दीप प्रज्वलन तथा औपचारिक उद्घाटनमार्फत कार्यक्रमको शुभारम्भ गर्नुभएको थियो।
दुई दिवसीय यस विशेष कार्यक्रमले समाजमा आध्यात्मिक जागरण, आपसी सद्भाव, नैतिक अनुशासन तथा सकारात्मक जीवनशैलीको महत्त्वलाई उजागर गरेको थियो। वर्तमान समयमा युवा पुस्तामा नैतिक मूल्य, आत्मअनुशासन र सामाजिक उत्तरदायित्वको भावना विकास गर्न यस्ता कार्यक्रमहरू महत्त्वपूर्ण हुने विश्वास व्यक्त गरिएको थियो।
कार्यक्रमका दुवै दिन अखिल असम छात्र संघ (आसु) तथा अखिल असम गोर्खा छात्र संघ (आग्सु) का माकुम आञ्चलिक समितिका सभापतिहरूको उपस्थिति रहेको थियो। दुवै विद्यार्थी संगठनका प्रतिनिधिहरूको सहभागिताले सामाजिक तथा आध्यात्मिक गतिविधिमा विद्यार्थी संगठनहरूको सकारात्मक भूमिकालाई समेत प्रतिबिम्बित गरेको थियो।
कार्यक्रमलाई सफलतापूर्वक सम्पन्न गर्न सहयोग, सहभागिता तथा योगदान पुर्याउनुहुने सम्पूर्ण अतिथि, प्रतिनिधि, स्थानीयवासी एवं सहयोगीहरूप्रति आयोजक ब्रह्माकुमारी ईश्वरीय विश्वविद्यालयले हार्दिक आभार व्यक्त गरेको छ।
प्रतिवेदक : मिलन अधिकारी, सभापति, माकुम आञ्चलिक समिति
