তামুলপুৰ, ১৯ ছেপ্টেম্বৰ: সদৌ অসম গোৰ্খা ছাত্ৰ সন্থা (আগছু)-ৰ তামুলপুৰ আঞ্চলিক সমিতিৰ উদ্যোগত প্ৰাণৰ শিল্পী জুবিন গাৰ্গৰ প্ৰথম বাৰ্ষিক জুবিন দিৱস তথা শ্ৰদ্ধাঞ্জলি অনুষ্ঠান আজি অনুষ্ঠিত হয়।
অনুষ্ঠানৰ আৰম্ভণিতে জুবিন গাৰ্গৰ প্ৰতিচ্ছবিত পুষ্পাঞ্জলি অৰ্পণ কৰি প্ৰয়াত শিল্পীগৰাকীৰ প্ৰতি গভীৰ শ্ৰদ্ধাঞ্জলি জ্ঞাপন কৰা হয়। অনুষ্ঠানত উপস্থিতসকলে জুবিন গাৰ্গে সংগীত, সংস্কৃতি আৰু সমাজলৈ আগবঢ়োৱা অনবদ্য অৱদান স্মৰণ কৰি তেওঁৰ প্ৰতি শ্ৰদ্ধাসুমন জ্ঞাপন কৰে।
অনুষ্ঠানৰ অংশ হিচাপে উপস্থিতসকলে একোটিকৈ বন্তি প্ৰজ্বলন কৰি প্ৰয়াত শিল্পীগৰাকীৰ আত্মাৰ সদ্গতি কামনা কৰে। লগতে জুবিন গাৰ্গৰ স্মৃতি আৰু অসমৰ সাংস্কৃতিক ক্ষেত্ৰলৈ তেওঁ আগবঢ়াই যোৱা অমূল্য অৱদান চিৰস্মৰণীয় কৰি ৰখাৰ সংকল্প গ্ৰহণ কৰা হয়।
উপস্থিতসকলে জুবিন গাৰ্গৰ সৃষ্টিশীলতা, সংগীতৰ প্ৰতি থকা গভীৰ অনুৰাগ আৰু অসমৰ সাংস্কৃতিক জগতলৈ আগবঢ়োৱা উল্লেখযোগ্য অৱদানৰ কথা স্মৰণ কৰে। তেওঁৰ গীত আৰু সৃষ্টিৰাজিয়ে অসমৰ লগতে দেশ-বিদেশৰ অসংখ্য সংগীতপ্ৰেমীৰ হৃদয়ত বিশেষ স্থান লাভ কৰা বুলি উল্লেখ কৰি তেওঁৰ সাংস্কৃতিক অৱদানৰ প্ৰতি শ্ৰদ্ধা নিবেদন কৰা হয়।
আগছু তামুলপুৰ আঞ্চলিক সমিতিৰ উদ্যোগত অনুষ্ঠিত এই শ্ৰদ্ধাঞ্জলি অনুষ্ঠানে অসমৰ ৰাইজৰ প্ৰাণৰ শিল্পীগৰাকীৰ প্ৰতি থকা গভীৰ শ্ৰদ্ধা, মৰম আৰু আবেগৰ এক সুন্দৰ প্ৰতিফলন দাঙি ধৰে। অনুষ্ঠানটো শ্ৰদ্ধা আৰু আবেগিক পৰিৱেশত সম্পন্ন হয়।
প্ৰতিবেদক : শ্ৰী নাৰায়ণ গৌতম, সভাপতি, তামুলপুৰ আঞ্চলিক সমিতি।
