बाक्सा, ११ अक्टोबर २०२६: अखिल असम गोर्खा छात्र संघ (आग्सु) मध्य बास्का आञ्चलिक समितिको दोस्रो प्रतिनिधि सभा सफलतापूर्वक सम्पन्न भएको छ। संगठनको सांगठनिक गतिविधिलाई थप प्रभावकारी बनाउने, समितिलाई सुदृढ बनाउने तथा विद्यार्थी र गोर्खा समुदायको हकहितका पक्षमा सक्रिय भूमिका निर्वाह गर्ने उद्देश्यका साथ आयोजित उक्त प्रतिनिधि सभामा विभिन्न सांगठनिक विषयमा छलफल गरिएको थियो।
उक्त प्रतिनिधि सभामा पर्यवेक्षकका रूपमा अखिल असम गोर्खा छात्र संघ (आग्सु) बाक्सा जिल्ला समितिका मूल–सचिव श्री हेमराज सापकोटा, उपसभापतिद्वय श्री राम निरौला र श्री दीपक कुमार फुयेल तथा मुखपत्र सचिव श्री पृथु पराजुलीको गरिमामय उपस्थिति रहेको थियो। पर्यवेक्षकहरूको उपस्थितिले प्रतिनिधि सभालाई थप व्यवस्थित बनाउनाका साथै संगठनको भावी कार्यदिशा र सांगठनिक जिम्मेवारीबारे विचार आदानप्रदान गर्ने अवसर प्रदान गरेको थियो।
प्रतिनिधि सभाले श्री केशव पाठकलाई मध्य बास्का आञ्चलिक समितिको सभापति तथा श्री अर्जुन दर्जीलाई मूल–सचिवका रूपमा चयन गर्दै नयाँ कार्यसमिति गठन गरेको छ। नयाँ नेतृत्व चयनसँगै समितिको सांगठनिक गतिविधिलाई थप सक्रिय बनाउने, कार्यकर्ताहरूबीच आपसी समन्वय र सहकार्य अभिवृद्धि गर्ने तथा संगठनका उद्देश्य र नीतिलाई तल्लो तहसम्म प्रभावकारी रूपमा पुर्याउने अपेक्षा गरिएको छ।
अखिल असम गोर्खा छात्र संघले विद्यार्थीहरूको शैक्षिक, सामाजिक तथा बौद्धिक विकासका साथै गोर्खा समुदायको भाषा, साहित्य, संस्कृति र पहिचानको संरक्षण तथा प्रवर्द्धनमा महत्त्वपूर्ण भूमिका निर्वाह गर्दै आएको छ। यस सन्दर्भमा मध्य बास्का आञ्चलिक समितिको नयाँ कार्यसमितिले पनि संगठनको उद्देश्यलाई आत्मसात् गर्दै विद्यार्थीका समस्या र सरोकारलाई प्राथमिकतामा राखेर काम गर्ने तथा समुदायको हकहितका विषयमा जिम्मेवार भूमिका निर्वाह गर्ने विश्वास लिइएको छ।
नवनिर्वाचित सभापति श्री केशव पाठक र मूल–सचिव श्री अर्जुन दर्जीलगायत सम्पूर्ण नयाँ कार्यसमितिलाई हार्दिक बधाई तथा सफल कार्यकालको शुभकामना व्यक्त गरिएको छ। नयाँ नेतृत्वको कार्यकालमा मध्य बास्का आञ्चलिक समिति अझ सुदृढ, एकताबद्ध र क्रियाशील बन्दै संगठनको लक्ष्य प्राप्तिका लागि प्रभावकारी रूपमा अघि बढ्ने अपेक्षा गरिएको छ।
प्रतिवेदक : पवन सोनारी, सुचना एवं प्रविधि सचिव बाक्सा जिल्ला समिति
